İQTİSADİYYAT
İkinci rüb 41 tikinti obyektinin elektrik qurğularına istismara buraxılış aktı verilib
![İkinci rüb 41 tikinti obyektinin elektrik qurğularına istismara buraxılış aktı verilib](/files/2023/2/1200x630/16888070432506910972_1200x630.jpg)
Bakı, 8 iyul, AZƏRTAC
Enerji Məsələlərini Tənzimləmə Agentliyi (AERA) tərəfindən cari ilin II rübü ərzində yeni, yenidən qurulan, istifadə olunmasına icazə verilib, gücü artırılan və enerji-təchizat sxemini dəyişən 41 tikinti obyektinin xarici elektrik enerjisi təchizatı üçün quraşdırılmış elektrik qurğularına istismara buraxılış aktı təqdim edilib.
Agentlikdən AZƏRTAC-a bildirilib ki, 128 razılaşdırılan layihəyə əsasən tikintisi başa çatdırılan sənaye qaz qurğularının istismarına icazə verilib.
“Azərenerji” və “Azərişıq” ASC-lərin nümayəndələrinin iştirakı ilə 7 hesablaşma elektrik sayğacının texniki vəziyyətinə baxış keçirilib.
Agentliyin səlahiyyətlərinə aid olan Azərbaycan Respublikası İnzibati Xətalar Məcəlləsinin müvafiq maddələri üzrə 53 inzibati xəta haqqında işə baxılıb və müvafiq qərarlar çıxarılıb.