“İmprotex” Şirkətlər Qrupu koronavirusla mübarizəyə 50 min manat ayırıb
Bakı, 24 mart, AZƏRTAC
Ölkəmizdə koronavirus infeksiyasına qarşı preventiv addımların atılması və mübarizə tədbirlərinin gücləndirilməsi məqsədilə Azərbaycan Respublikası Prezidentinin Fərmanı ilə yaradılan Koronavirusla Mübarizəyə Dəstək Fonduna “İmprotex” Şirkətlər Qrupu tərəfindən də dəstək göstərilib.
Qurumdan AZƏRTAC-a bildiriblər ki, Kiçik və Orta Biznesin İnkişafı Agentliyinin (KOBİA) “Bir olaq, dəstək olaq” çağırışına qoşulan “İmprotex” Şirkətlər Qrupu koronavirusla mübarizə məqsədilə Fonda 50 min manat vəsait köçürüb.
“İmprotex” şirkəti Azərbaycanın müstəqillik qazanması ilə birlikdə 1991-ci ildə ölkəmizdə ilk yaradılmış özəl şirkətlərdən olub, hazırda turizm, avtomobil və müxtəlif təyinatlı texnikaların təmsilçiliyi, eləcə də metal-konstruksiyaların və üst qurğuların istehsalı sahəsində fəaliyyət göstərir.
Bölmənin digər xəbərləri
