İngiltərəli qonaq: Danimarka Eriksenin şərəfinə oynayacaq!
Bakı, 2 iyul, AZƏRTAC
Qarşıdakı oyunda Danimarka mənim favoritimdir. Onların əla komandası var və bu komanda kapitan Kristian Eriksenin şərəfinə mübarizə aparacaq.
AZƏRTAC xəbər verir ki, bu barədə futbol üzrə 2020-ci il Avropa çempionatının Çexiya və Danimarka yığmaları arasında iyulun 3-də Bakıda keçiriləcək dörddəbir final matçı ərəfəsində İngiltərə yığmasının azarkeşi Arif Mazhar fikrini bildirib.
Azarkeş onu da qeyd edib ki, Danimarka yarımfinala çıxmaq üçün gərgin çalışmalıdır. O deyib: “Onlar (Çexiya yığması) çox yaxşıdırlar. Bu misilsiz oyun olacaq, lakin hər şey əsas 90 dəqiqə ərzində həll olunacaq”.
Qarşıdakı final barədə proqnozlarını bölüşən azarkeş vurğulayıb ki, Belçikanın kuboku qazanmaq üçün hər cür şansı var. Əlbəttə ki, Kevin De Breyne finalda oynayarsa.
Bölmənin digər xəbərləri
