“İnter” ardıcıl ikinci dəfə İtaliya Super kubokunun qalibi olub
Bakı, 19 yanvar, AZƏRTAC
“İnter” klubu ardıcıl ikinci dəfə İtaliya Super kubokunun qalibi olub.
AZƏRTAC xəbər verir ki, “Milan” klubu ilə qarşılaşan “İnter” rəqibini 3:0 hesabı ilə məğlub edib.
Səudiyyə Ərəbistanının paytaxtı Ər-Riyaddakı Kral Fəhd adına Beynəlxalq Stadionunda keçirilən matçda “İnter”in heyətində Federiko Dimarko, Edin Ceko və Lautaro Martines fərqləniblər.
“Milan” İtaliya çempionu, “İnter” isə ölkə kubokunun sahibi kimi Super kubokda iştirak hüququ əldə ediblər.
Qeyd edək ki, “İnter” ümumilikdə yeddinci dəfə İtaliya Super kubokuna sahib olub.
Bölmənin digər xəbərləri
