Naxçıvan Muxtar Respublikası ali hakimiyyət orqanlarının rəhbər işçiləri bu günlərdə Ordubad internat məktəbində olmuş, müəllim və şagirdlərin qayğıları, problemləri ilə maraqlanmış, məktəbə 150 geyim dəsti hədiyyə etmişlər.

Məktəbdən AZƏRTAC-ın müxbirinə bildirmişlər ki, 400 şagirdin təhsil aldığı məktəbdə elmlərin əsaslarına mükəmməl yiyələnmək üçün hər cür şərait vardır. Ötən il bu məktəbi bitirən 11 məzunun 6-sı ali məktəbə, 2-si isə orta ixtisas məktəblərinə qəbul olunmuşdur.