İordaniyalı parlamentari: Bir çox xalqlar seçkilərin bu cür keçirilməsini arzu edər
Bakı, 8 fevral, AZƏRTAC
Ötən gün 14 seçki məntəqəsinə baş çəkdik. Həmin məntəqələrdə seçkilərin demokratik və şəffaf şəraitdə keçirildiyini müşahidə etdik.
AZƏRTAC xəbər verir ki, bu sözləri İordaniya parlamentinin müşahidə missiyasının rəhbəri Abdelrahim Faleh Obeidallah Al-Maya növbədənkənar prezident seçkilərinin ilkin yekun nəticələri ilə bağlı keçirilən mətbuat konfransında deyib.
“Seçkilər xalqın azad iradəsini ifadə edirdi. Bir çox xalqlar seçkilərin bu cür keçirilməsini arzu edər. Heç bir məntəqədə qanun pozuntusuna rast gəlmədik. Azərbaycan xalqı bir çox üstün mənəvi keyfiyyətlərə sahibdir. Seçkilərin də bu cür yüksək səviyyədə keçirilməsi Azərbaycan xalqına xas olan xüsusiyyətdir”, - deyə o diqqətə çatdırıb.
Bölmənin digər xəbərləri
