İPL “Luton”un mövsümdə ilk ev matçını təxirə salıb
Bakı, 15 iyul, AZƏRTAC
İngiltərə Premyer Liqasının (İPL) 2023-2024-cü il mövsümündə “Luton” klubunun ilk ev matçı təxirə salınıb. Belə ki, İPL “Kenilvort Roud” stadionunun modernləşdirilməsinin nəzərdə tutulan vaxtda başa çatacağına əmin deyil.
AZƏRTAC ESPN-ə istinadla xəbər verir ki, şənbə gününə - avqustun 19-na planlaşdırılan Premyer Liqanın “Luton Taun” və “Bernli” komandaları arasında matçı təxirə salınacaq. Belə ki, İPL-in bəyanatında deyilir: “Luton Taun” nə liqaya, nə də rəqibinə “Kenilvort Roud” stadionunda aparılan işlərin azarkeşlərin sonradan xəbərdar edilməsi olmadan matçın keçirilmə vaxtına təsir etməyəcəyi barədə təminat verə bilməyib”.
Bu görüş İngiltərə çempionatının 2-ci turunda nəzərdə tutulub, birinci turda isə “Luton” rəqib meydançasında “Brayton end Houv Albion” ilə oynayacaq.
Cəmi 10 356 tamaşaçı yeri olan “Kenilvort Roud” stadionu İPL-in matçlarının keçirildiyi ən kiçik idman arenası olmalıdır. “Luton” onun yenilənməsi prosedurlarına 10 milyon funt sterlinq xərcləməyi nəzərdə tuturdu.
Bölmənin digər xəbərləri
