İrakli Kobaxidze: Sülhün pozulması regionumuza, xüsusən də Avropa qitəsinə çox ciddi fəsadlar gətirib
Tbilisi, 16 avqust, AZƏRTAC
Gürcüstanın Baş naziri İrakli Kobaxidze ABŞ Prezidenti Donald Tramp və Rusiya Prezidenti Vladimir Putin arasında Alyaskada keçirilmiş görüşə münasibət bildirib.
AZƏRTAC xəbər verir ki, Baş nazir jurnalistlərə deyib ki, bu danışıqlar yekunda sülhlə bitəcək.
“Əsas odur ki, regionumuzda sülh bərqərar olsun. Sülhün pozulması regionumuza, xüsusən də Avropa qitəsinə çox ciddi fəsadlar gətirib. Bunlar siyasi və iqtisadi problemlərdir. Bizim üçün əsas məsələ sülhün bərqərar olmasıdır. Ümid edirik ki, bu danışıqlar son nəticədə bütün Avropada sülhün bərqərar olması ilə başa çatacaq”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
