İRAN: ALMANİYALI VƏ İRLANDİYALI VELOTURİSTLƏR AZAD EDİLDİLƏR

28.12.2003 [19:21]
Çap et
A⁺ A^-

AZƏRTAC-ın xəbər verdiyi kimi, İrana velosipedlərdə səyahətə çıxan iki almaniyalı və bir irlandiyalı turist narkotik maddə alverçilərindən ibarət quldur dəstəsi tərəfindən pul qoparmaq məqsədilə dekabrın 2-də oğurlanmışdı. Budur, İranın Bəm şəhərində viranedicri zəlzələ ilə əlaqədar oradan kədərli xəbərlər alınmaqla yanaşı, ürəkaçan bir xəbər də gəlmişdir: həmin turistlər azad edilmişlər. Təhlükəsizlik İdarəsi və Daxili İşlər Nazirliyi qüvvələrinin birgə əməliyyatı nəticəsində bir neçə gün əvvəl cinayətkarların izinə düşmək və girovları azad etmək mümkün olmuşdur. AZƏRTAC-ın Tehrandan aldığı xəbərə görə, bunu İranın xarici işlər naziri Kamal Xərrazi açıqlamışdır.

İran xarici siyasət idarəsinin başçısı demişdir ki, almanlar Devid Ştorm və Oliver Bruq, irlandiyalı Ceyms Lehi özlərini yaxşı hiss edirlər.

Xatırladaq ki, veloturistlər Kirman şəhərindən Zahidana gedərkən sonuncu şəhər yaxınlığında, Sistan və Bəlucistan ostanında quldur dəstə tərəfindən oğurlanmışdır. Cinayətkarlar onları buraxmaq üçün 5 milyon avro tələb edirdilər. Lakin İran hökuməti cinayətkarların irəli sürdükləri tələbi yerinə yetirməkdən qəti şəkildə imtina etmiş və bunu onunla əsaslandırırdı ki, ona razılaşsa, bu cür cinayət gələcəkdə bir daha təkrar edilə bilər.

İRAN: ALMANİYALI VƏ İRLANDİYALI VELOTURİSTLƏR AZAD EDİLDİLƏR

MÜƏLLİFLƏ ƏLAQƏ

Bölmənin digər xəbərləri