İRAN AZƏRBAYCANIN KÖMƏYİNİ YÜKSƏK QİYMƏTLƏNDİRMİŞDİR
İdarədən AZƏRTAC-ın müxbirinə bildirmişlər ki, şeyxülislam Hacı Allahşükür Paşazadə mərasimdə çıxış edərək demişdir ki, xalqımız İranda baş verən təbii fəlakətin nəticələrindən kədərlənmiş, həlak olanların xatirəsini yad etmiş, dövlətimiz bu çətin günlərdə qonşu İrana maddi və mənəvi dayaq olmuşdur.
İİR-in ölkəmizdəki səfiri Əhəd Qəzai bildirmişdir ki, Azərbaycan İranda baş verən zəlzələdən zərər çəkənlərə ilk yardım edənlər arasındadır. Səfir Azərbaycan Prezidenti İlham Əliyevin İranın ölkəmizdəki səfirliyinə gələrək Matəm kitabına ürək sözlərini yazmasını, dövlətimizin zəlzələ bölgəsinə hər cür kömək etməyə hazır olduğunu bildirməsini yüksək qiymətləndirmişdir. O, zəlzələ bölgəsində çalışan azərbaycanlı xilasedicilərin və həkimlərin fəaliyyətindən razı qaldığını qeyd etmiş, göstərilən yardımlara, habelə diqqət və qayğıya görə dövlətimizin başçısına minnətdarlığını bildirmişdir. Səfir demişdir ki, bu münasibət dövlətlərimiz və xalqlarımız arasında tarixi dostluq əlaqələrinin qırılmaz olduğunu bir daha sübut etmişdir.
Mərasimin sonunda zəlzələ nəticəsində dünyasını dəyişənlərin ruhuna dualar oxunmuş, ehsan süfrəsi açılmışdır.
Bölmənin digər xəbərləri
