İran nümayəndəsi: WUF13 dayanıqlı şəhər inkişafı üzrə əsas beynəlxalq platformalardan biridir
Bakı, 20 may, AZƏRTAC
Ümumdünya Şəhərsalma Forumunun On Üçüncü Sessiyası (WUF13) dayanıqlı şəhər inkişafı sahəsində əsas beynəlxalq platformalardan biridir.
Bu barədə İran İslam Respublikasının Yol və Şəhərsalma Nazirliyinin Milli Yaşayış Mühiti Komitəsinin katibi Sadiq Sadiqpur Ağdam AZƏRTAC-a verdiyi müsahibədə bildirib.
Onun sözlərinə görə, forumun ən böyük əhəmiyyəti dünyanın aparıcı ekspertlərini, hökumət nümayəndələrini, şəhər sistemlərinin idarə edilməsi üzrə mütəxəssisləri, qeyri-hökumət təşkilatlarını və akademik ictimaiyyəti bir araya gətirməklə təcrübə və peşəkar bilik mübadiləsi üçün unikal platforma yaratmaqdır.
İran nümayəndəsi vurğulayıb ki, bu cür beynəlxalq müzakirələr müasir urbanizasiya problemlərinin həllinə əsas yanaşmalar hazırlamağa, eləcə də gələcək, daha mürəkkəb şəhər inkişafı problemləri üçün proaktiv strategiyalar təqdim etməyə imkan verir.
O, WUF13-ün uğur qazanacağına ümid etdiyini bildirib və forumun əla təşkilatçılığına görə Azərbaycan hökumətinə, eləcə də tədbirdə əməkdaşlıq edən UN-Habitat-a bir daha təşəkkür edib.
Müxbir – Tamilla Məmmədova
Bölmənin digər xəbərləri
