İRANIN CƏNUBUNDA YERALTI TƏKANLAR DAVAM EDİR
AZƏRTAC-ın Tehrandan aldığı xəbərdə deyilir ki, İranın cənub rayonlarında yeraltı təkanlar ara vermir. Bazar günü səhər başıbəlalı Bəm şəhəri bölgəstndə orta güclü yeraltı təkanlar qeydə alınmışdır. Dekabrın 25-dən 6,9 bal gücündə zəlzələnin baş verdiyi gündən bəri orada 3,1 baldan 5,3 baladək 20-dən çox yeraltı təkan olmuşdur.
Əslində, tamamilə viran qalan Bəm şəhərində bu təkanlar, qəribə olsa da, sakinləri daha vəlvələyə salmır, çünki sağ qalanlar və özlərini onların köməyinə yetmək üçün buraya gələn qohumları çadırlarda və ya küçələrdə çatılan tonqallar ətrafında məskunlaşmışlar.
Xatırladaq ki, İran ərazisinin, demək olar, 90 faizi seysmik cəhətdən fəal zonada yerləştir.
Bölmənin digər xəbərləri
