İraqda avtobusun partladılması nəticəsində ölənlərin sayı 12-yə çatıb
Bakı, 21 sentyabr, AZƏRTAC
İraqın Kərbəla şəhərində avtobusun partladılması nəticəsində azı 12 nəfər ölüb. Bu barədə “Reuters” agentliyi İraq təhlükəsizlik xidmətinə istinadla xəbər yayıb. Daha əvvəl “PressTV” 9 nəfərin öldüyünü bildirib.
AZƏRTAC TASS informasiya agentliyinə istinadla xəbər verir ki, partlayış nəticəsində, həmçinin bir neçə nəfər xəsarət alıb. Lakin onların səhhəti barədə məlumat daxil olmayıb. Regiondakı qruplaşmalardan heç biri hadisənin məsuliyyətini öz üzərinə götürməyib.
Bölmənin digər xəbərləri
