İsraildə ümummilli lider Heydər Əliyevin xatirəsi yad edilib
Bakı, 12 dekabr, AZƏRTAC
Azərbaycan-İsrail (“Azİz”) cəmiyyətinin mətbuat xidmətindən AZƏRTAC-a bildiriblər ki, əslən Azərbaycandan olan İsrail vətəndaşları dekabrın 12-də Azərbaycan xalqının böyük oğlu, ümummilli lider Heydər Əliyevin xatirəsini anmağa toplaşıblar.
Tədbirdə qeyd olunub ki, Heydər Əliyev böyük insan və əsl milli lider olub. Məhz onun rəhbərlik etdiyi illərdə Azərbaycanda dövlət quruculuğunun, demək olar, bütün sahələrində yüksəlişin əsasları qoyulub. Heydər Əliyevin möhtəşəm işləri - “Əsrin müqaviləsi”nin imzalanması, 1994-cü ildə Ermənistan-Azərbaycan, Dağlıq Qarabağ münaqişəsi zonasında atəşkəs elan edilməsi, Bakı-Tbilisi-Ceyhan neft kəmərinin tikintisi və digər çoxsaylı işlər, sözün əsl mənasında Azərbaycanın gələcəyini müəyyən edib.
Əslən Azərbaycandan olanlar bu gün harada yaşayırlar yaşasınlar, Azərbaycan xalqının ulu öndəri Heydər Əliyevi unutmur, onu böyük ehtiramla yad edirlər.
Bölmənin digər xəbərləri
