İsveçrə görüşündə Azərbaycan nümayəndələri də iştirak edəcəklər
Bakı, 2 may (AZƏRTAC). Mayın 3-4-də Qlobal Ekologiya Fondunun (QEF) Azərbaycan, Qazaxıstan, Qırğızıstan, Tacikistan, Türkmənistan və Özbəkistan nümayəndələrindən ibarət işçi qrupunun İsveçrədə keçiriləcək görüşünə Ekologiya və Təbii Sərvətlər Nazirliyinin (ETSN) mütəxəssisləri də dəvət olunmuşlar.
ETSN-dən AZƏRTAC-a bildirmişlər ki, görüşdə nazirliyin Dövlət Ekspertiza İdarəsinin baş məsləhətçisi Oqtay Cəfərovla yanaşı, Qeyri-Hökumət Təşkilatının (QHT) nümayəndəsi, Milli Ekoloji Proqnozlaşdırma Mərkəzinin sədri Telman Zeynalov da iştirak edəcəkdir.
ETSN ölkəmizdə həlli vacib olan ekoloji məsələlərin aradan qaldırılması yollarının müzakirəsində, birgə təkliflərin hazırlanmasında QHT-lərlə qarşılıqlı əməkdaşlığa üstünlük verir.
Bölmənin digər xəbərləri
