İtaliya A Seriyasının oyunları bir dəqiqəlik sükutla başlayacaq
Bakı, 6 yanvar, AZƏRTAC
İtaliya Futbol Federasiyası (FIGC) A Seriyasının qarşıdakı turunun bütün oyunlarının Canluka Viallinin şərəfinə bir dəqiqəlik sükutla başlayacağını açıqlayıb.
AZƏRTAC federasiyaya istinadla xəbər verir ki, "Sampdoriya", "Yuventus" və "Çelsi"nin sabiq hücumçusu uzun müddət xərçəng xəstəliyi ilə mübarizə apardıqdan sonra bu gün Londonda vəfat edib.
O, baş məşqçi Roberto Mançinin köməkçisi kimi İtaliya seçməsi ilə “Avro-2020”nin qalibi olub. Futbolçu olaraq isə “Avro-1988”də və 1990-cı ildə İtaliyanın ev sahibliyi etdiyi dünya çempionatında bürünc medal qazanıb.
Bölmənin digər xəbərləri
