İtaliya-Azərbaycan Ticarət Palatası Ermənistanın hərbi təxribatlarını pisləyən bəyanat yayıb

11.10.2020 [17:11]
Çap et
A⁺ A^-

Roma, 11 oktyabr, AZƏRTAC

İtaliya-Azərbaycan Ticarət Palatası (ITAZERCOM) sentyabrın 27-dən başlayaraq Azərbaycana qarşı başlayan, mülki şəxslər və hərbçilər arasında itkiyə səbəb olan bütün hərbi hücumları kəskin şəkildə qınayır və hərbi əməliyyatlarda həlak olanların ailələrinə səmimi qəlbdən başsağlığı verir.

AZƏRTAC xəbər verir ki, bəyanatda deyilir: “ITAZERCOM beynəlxalq hüquqa və BMT Təhlükəsizlik Şurasının bütün erməni işğalçı qüvvələrini dərhal, tam və qeyd-şərtsiz olaraq Azərbaycanın işğal altındakı Dağlıq Qarabağ və ətraf rayonlarından çıxarılmasını tələb edən 822, 853, 874 və 884 saylı qətnamələrinə əsasən, Azərbaycanın ərazi bütövlüyünü qətiyyətlə dəstəkləyir.

İtaliya-Azərbaycan Ticarət Palatası müstəqil, qeyri-hökumət, ikitərəfli biznes qurumu olaraq beynəlxalq ictimaiyyəti Dağlıq Qarabağ münaqişəsinin bu cür qanuni çərçivədə həllinə tərəfdar olmağa çağırır, davamlı surətdə Azərbaycan-İtalyan iş dünyası çərçivəsində daha da güclü şəkildə qarşılıqlı əməkdaşlığı və dostluğu təşviq etməyə davam edir”.

Elgün Niftəli

AZƏRTAC-ın xüsusi müxbiri

Roma