İtaliyanın Baş naziri ABŞ və Rusiya prezidentlərinin görüşünə münasibət bildirib
Roma, 16 avqust, AZƏRTAC
İtaliyanın Baş naziri Ciorcia Meloni ABŞ Prezidenti Donald Tramp ilə Rusiya Prezidenti Vladimir Putinin Alyaskadakı görüşünü sülh yolunda mühüm addım kimi qiymətləndirib.
AZƏRTAC İtaliya Nazirlər Şurasına istinadla xəbər verir ki, Ciorcia Meloni görüşü Ukraynada sülhün bərqərar olacağına ümid hesab edib.
“Sülh sazişi hələ də mürəkkəbdir, lakin mümkündür. Şərtlər və ərazilərlə bağlı yalnız Ukrayna danışıqlar apara bilər. Avropa dövlətləri danışıqlar mərhələsində Ukraynanı dəstəkləməkdə davam edəcək. Sülhə gedən yol asan deyil”, - deyə Baş nazir vurğulayıb.
İtaliya Baş nazirinin müavini, xarici işlər və beynəlxalq əməkdaşlıq naziri Antonio Tayani isə Romanın üçtərəfli görüşə ev sahibliyi etməyə hazır olduğunu bəyan edib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
