İtaliyanın Baş naziri Avropa liderləri, ABŞ və Ukrayna prezidentlərinin görüşündə iştirakını təsdiqləyib

17.08.2025 [16:15]
Çap et
A⁺ A^-

Roma, 17 avqust, AZƏRTAC

İtaliyanın Baş naziri Ciorcia Meloni avqustun 18-də Vaşinqtonda ABŞ Prezidenti Donald Tramp, Avropa liderləri və Ukrayna Prezidenti Volodimir Zelenski ilə görüşdə iştirakını təsdiqləyib.

AZƏRTAC xəbər verir ki, Ciorcia Meloni ilə yanaşı, Avropa Komissiyasının Prezidenti Ursula Fon der Lyayen, Fransa Prezidenti Emmanuel Makron, Almaniya Kansleri Fridrix Merts, Finlandiya Prezidenti Aleksandr Stubb və NATO-nun Baş katibi Mark Rutte də görüşdə iştirak edəcəklər.

Ursula Fon der Lyayenin bu gün Brüsseldə Volodimir Zelenski ilə görüşəcəyini bildirib. Ukrayna Prezidenti Ağ Evdə ABŞ Prezidenti ilə görüş üçün Avropa liderləri ilə birgə Vaşinqtona yollanacaq.

Nihad Budaqov

AZƏRTAC-ın xüsusi müxbiri

Roma