İtaliyanın U-19 komandası Avropa çempionu adını qazanıb
Bakı, 17 iyul, AZƏRTAC
On doqquz yaşadək futbolçulardan ibarət İtaliya yığması Avropa çempionu olub.
AZƏRTAC xəbər verir ki, çempionatın finalında İtaliya və Portuqaliya milliləri üz-üzə gəliblər.
Maltadakı “Ta-Kali” stadionunda keçirilən görüşü Sven Yablonskinin rəhbərlik etdiyi Almaniyadan olan hakimlər briqadası idarə edib.
Görüş İtaliya millisinin minimal hesablı qələbəsi ilə yekunlaşıb - 1:0. Matçda yeganə qolu 19-cu dəqiqədə müdafiəçi Mikael Kayode vurub. İtaliya seçməsi 20 ildən sonra yenidən yeniyetmələr arasında keçirilən Avropa çempionatının qalibi adını qazanıb.
Turnirin qrup mərhələsində də Portuqaliya və İtaliya komandaları üz-üzə gəliblər. Həmin matç Portuqaliya seçməsinin 5:1 hesablı qələbəsi ilə başa çatıb.
İtaliya millisi tarixində ikinci dəfə və 2003-cü ildən sonra ilk dəfə Avropa çempionu olub.
Bölmənin digər xəbərləri
