CƏMİYYƏT
İyunun birinci ongünlüyündə havanın orta temperaturu çoxillik iqlim normasından yüksək olub
![İyunun birinci ongünlüyündə havanın orta temperaturu çoxillik iqlim normasından yüksək olub](/files/2023/2/1200x630/1686640705226751285_1200x630.jpg)
Bakı, 13 iyun, AZƏRTAC
Respublikanın əksər bölgələrində iyun ayının birinci ongünlüyündə hava şəraiti qeyri-sabit və yağıntılı keçib. Havanın orta temperaturu çoxillik iqlim normasından 2-3º yüksək, ötən ilin göstəriciləri ilə müqayisədə isə 1-3º aşağı olması ilə səciyyələnib.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada, Naxçıvanda, Lənkəranda, Ceyrançöldə və Tovuzda 22-23º, Qarabağ bölgəsində, Mil-Muğan və Mərkəzi Aranda 24-25º, Şəki-Zaqatalada 21-23º, Gədəbəydə 16º, Qubada 19º, Dağlıq Şirvan bölgəsində 20-21º, Gəncədə və Goranboyda 23-25º qeydə alınıb.
Havanın minimum temperaturu Gədəbəydə 9º, Qubada 12º, Lənkəranda, Naxçıvanda və Dağlıq Şirvan bölgəsində 13-14º, Gəncədə, Şəki-Zaqatala bölgəsində 14-15º, Tovuzda və Ceyrançöldə 15-17º, Maştağada, Bərdə-Tərtər bölgəsində, Mil-Muğanda və Mərkəzi Aranda 16-17º təşkil edib.