“Kabar”ın Baş redaktoru: Türk Xəbər Agentlikləri Alyansı üçün böyük perspektivlər mövcuddur
Şuşa, 14 iyul AZƏRTAC
Türk Xəbər Agentlikləri Alyansı üçün böyük perspektivlər mövcuddur, həmçinin Alyans çərçivəsində qurulacaq tərəfdaşlıqlar həm peşəkar təcrübə mübadiləsinə, həm də birgə media layihələrinin həyata keçirilməsinə mühüm töhfə verəcək.
AZƏRTAC xəbər verir ki, bu sözləri “Kabar” Xəbər Agentliyinin Baş redaktoru Nazgül Nurmanbetova IV Şuşa Qlobal Media Forumu çərçivəsində keçirilən Türk Xəbər Agentlikləri Alyansının (ATNA) İcraiyyə Komitəsinin iclasında deyib.
Qarşılıqlı etimada əsaslanan əlaqələrin inkişafında maraqlı olduğunu vurğulayan Nazgül Nurmanbetova qeyd edib ki, platforma çərçivəsində daha məhsuldar dialoqun aparılması, tərəfdaş agentliklərlə daha sıx işgüzar münasibətlərin qurulması vacibdir.
“Bundan sonra əməkdaşlığımız daha intensiv, səmərəli və yaxın xarakter alacaq. Əminəm ki, birgə səylərimiz nəticəsində informasiya mübadiləsi genişlənəcək, peşəkar əlaqələrimiz möhkəmlənəcək və ortaq məqsədlərimizə daha uğurla nail olacağıq”,-deyə Baş redaktor bildirib.
Bölmənin digər xəbərləri
