KALİFORNİYANIN CƏNUBUNDA YÜZLƏRLƏ SAKİN EVLƏRİNDƏN KÖÇÜRÜLMÜŞDÜR

14.07.2006 [13:38]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, meşə yanğınlarının tuğyan etməkdə olduğu ABŞ-ın Kaliforniya ştatının cənubunda yüzlərlə adam evlərindən köcürülmüşdür. Ştatın yanğından mühafizə xidmətinin nümayəndəsi bildirmişdir ki, təxminən 15 min hektar sahə yanıb külə dönmüşdür. Ən ağır vəziyyət çoxsaylı Hollivud filmlərinin çəkildiyi yer kimi tanınan Yukka vadisində yaranmaqdadır.

Los-Ancelesdən ikisaatlıq yolda yerləşən tarixi Pionertaun şəhərciyi rayonunda azı 2,4 min hektar sahə yanır. Burada yanğın onlarca yaşayış evini və digər binaları məhv etmişdir, çoxlu insan evsiz-eşiksiz qalmışdır. Bir çox “kovboy” filmləri məhz Pionertaunda çəkilmişdir.

Sürəti saatda 64 kilometrə çatan güclü külək, eləcə də son dərəcə quru hava alovun yeni ərazilərə tez yayılmasına səbəb olmuşdur. Alovla mübarizədə 2,5 mindən artıq yanğınsöndürən iştirak edir, vertolyot və təyyarələrdən də istifadə olunur.

KALİFORNİYANIN CƏNUBUNDA YÜZLƏRLƏ SAKİN EVLƏRİNDƏN KÖÇÜRÜLMÜŞDÜR

MÜƏLLİFLƏ ƏLAQƏ

Bölmənin digər xəbərləri