Kamandan Oxatma Federasiyasının baş katibi: İdmançılarımızdan növbəti qələbələri gözləyirik
Xankəndi, 2 oktyabr, Tahir Ağaməmmədov, AZƏRTAC
III MDB oyunları çərçivəsində Xankəndidə keçirilən kamandan oxatma yarışlarında Azərbaycanı təmsil edən altı idmançıdan beşi 1/8 final mərhələsinə yüksəldi. İdmançılarımızdan növbəti qələbələri gözləyirik.
AZƏRTAC-ın bölgə müxbiri xəbər verir ki, bunu Xankəndidə jurnalistlərə açıqlamasında Azərbaycan Kamandan Oxatma Federasiyasının baş katibi Fərid Xəlilov deyib.
“Kamandan oxatma III MDB oyunları çərçivəsində Qarabağda keçirilən yeganə idman növüdür. Bu, bizim üçün çox şərəfli və məsuliyyətli işdir. Təşkilatçılıq yüksək səviyyədədir. Çox qısa bir zamanda burada sıfırdan infrastruktur yaradılıb”, - deyə o bildirib.
Bölmənin digər xəbərləri
