Kanat İskakov: Dezinformasiyaya qarşı onlayn platformalarla əməkdaşlıq xüsusi əhəmiyyət kəsb edir
Şuşa, 14 iyul, AZƏRTAC
Dezinformasiya genişmiqyaslı sabitliyi pozan informasiya mühiti yarada bilər. Bu baxımdan onlayn platformalarla əməkdaşlıq xüsusi əhəmiyyət kəsb edir. Qazaxıstanda bu sahə təkcə qanunvericiliklə tənzimlənmir, eyni zamanda, bütün onlayn platformalara süni intellekt vasitəsilə yaradılmış məzmunun mütləq şəkildə işarələnməsi tövsiyə edilir.
AZƏRTAC xəbər verir ki, bunu Qazaxıstanın mədəniyyət və informasiya nazirinin birinci müavini Kanat İskakov iyulun 14-də IV Şuşa Qlobal Media Forumu çərçivəsində keçirilən "Media obyektivində sülh quruculuğu və ictimai diskurs" mövzusunda panel müzakirəsində çıxışı zamanı deyib.
"Süni intellektlə hazırlanmış bütün xəbər və digər məzmunlar xüsusi qeyd olunmalıdır ki, istifadəçilər onların təbii yolla hazırlanıb-hazırlanmadığını aydın şəkildə müəyyən edə bilsinlər. Bu, həm qanunvericilik, həm də tənzimləyici qurumlarla iri rəqəmsal platformalar arasında əməkdaşlığın əsas istiqamətlərindən biridir", - deyə o vurğulayıb.
Fotoqraflar - Səfiyar Məcnun, Tofiq Babayev
Bölmənin digər xəbərləri
