Kataliz və Qeyri-üzvi Kimya İnstitutunun elmi işçisi Pakistanda tədqiqat aparıb
Bakı, 2 aprel, AZƏRTAC
Elm və Təhsil Nazirliyi akademik M.Nağıyev adına Kataliz və Qeyri-üzvi Kimya İnstitutunun elmi işçisi və dissertantı Samirə Süleymanova Pakistanın Lahor İdarəetmə Elmləri Universitetində elmi ezamiyyətdə olub.
İnstitutdan AZƏRTAC-a bildirilib ki, Samirə Süleymanova İslam Əməkdaşlıq Təşkilatının Elm və Texnoloji Əməkdaşlıq üzrə Daimi Komitəsinin “COMSTECH Technicians Training” proqramının qalibi olaraq Lahor İdarəetmə Elmləri Universitetində NMR, XRD, SEM/EDX və VSM cihazları üzrə 4 həftəlik təlim keçib və tədqiqat işləri aparıb. O, ezamiyyət dövründə həmin cihazlar üzrə nəzəri və praktiki biliklər əldə edib. Bu müddət ərzində Kataliz və Qeyri-üzvi Kimya İnstitutunda sintez olunmuş çoxkomponentli oksid və seolit əsaslı nümunələrin element və faza tərkibinin, maqnit xassələrinin müəyyən edilməsi üçün ölçmələr aparılıb, raman spektrləri çəkilib.
Təlimin sonunda Samirə Süleymanovaya beynəlxalq sertifikat təqdim edilib.
Bölmənin digər xəbərləri
