Keçmiş məcburi köçkün: Əminəm ki, Ağdam öz əzəmətinə yenidən qayıdacaq
Bakı, 2 aprel, AZƏRTAC
Gedirəm gözəl Ağdamıma. "Gəzməyə qərib ölkə, ölməyə vətən yaxşı". Əminəm ki, yaxın gələcəkdə Ağdam öz əzəmətinə yenidən qayıdacaq. Biz bunun üçün çalışmalıyıq.
AZƏRTAC xəbər verir ki, bu sözləri bu gün Ağdam rayonunun yenidən qurulan Sarıcalı kəndinə köç edən keçmiş məcburi köçkün Şəhla Əliyeva deyib.
30 ildən çoxdur bu günü gözlədiyini bildirən Ağdam sakini qayıdış ümidinin bir gün belə olsun sönmədiyini vurğulayıb.
"Həmişə bu arzu ilə yaşamışıq. Sarıcalıya getməyi, orada yeni həyata başlamağı, doğmalarımızla yenidən birgə yaşamağı diləmişik. Şükürlər olsun ki, bir-neçə nəfərlə çıxdığım Ağdama bu gün böyük ailə olaraq qayıdıram."
Ş.Əliyeva həmçinin, torpaqlarımızı işğaldan azad edən Ali Baş Komandan İlham Əliyevə və rəşadətli Azərbaycan Ordusuna minnətdarlığını ifadə edib, ölkəmizin azadlığı və suverenliyi uğrunda canlarını qurban vermiş şəhidlərimizə rəhmət, qazilərimizə şəfa diləyib.
Bölmənin digər xəbərləri
