Keçmiş məcburi köçkün: Yurduma qayıtmaq ən böyük arzum idi
Bakı, 30 mart, AZƏRTAC
Yurduma qayıtmaq mənim ən böyük arzum idi. Arzumun gerçəkləşməsinin mənim üçün nə dərəcədə möhtəşəm hiss olduğunu sözlə izah etmək çətindir. Laçın işğaldan azad olunanda bu hissləri bir dəfə də yaşamışdım. Laçının azad olunmasında, ən qısa zamanda bizim Laçına getməyimizdə əməyi keçən hər kəsə təşəkkürümü bildirirəm.
Bu sözləri martın 30-da Bakının Qaradağ rayonundan doğma yurduna yola salınan keçmiş məcburi köçkün, Laçın sakini Mehparə Hüseynova AZƏRTAC-a açıqlamasında söyləyib.
“Ötən illər ərzində biz yaxşı yaşadıq. Dövlətimiz bizə yaxşı baxırdı, qayğımızı çəkirdi. Var olsunlar, Allah hər birindən razı olsun. Mən əməyi keçən hər kəsə minnətdarlığımı bildirir, onları Laçına - evimə qonaq dəvət edirəm", - deyə keçmiş məcburi köçkün qeyd edib.
Bölmənin digər xəbərləri
