KƏNDLƏRDƏ YENİ ATS-LƏR QURAŞDIRILIR

06.01.2004 [14:08]
Çap et
A⁺ A^-

Kürdəmir rayon telekommunikasiya qovşağının kollektivi son vaxtlar telefon rabitəsi xidmətinin müasir tələblər səviyyəsinə qaldırılması istiqamətində geniş tədbirlər həyata keçirir. Rayon mərkəzində 512 nömrəlik elektron tipli yeni ATS istifadəyə verilmiş, Bakı ilə əlaqənin fibrooptik kabellə təşkili təmin edilmişdir.

Kənd ATS-lərinin genişləndirilməsi, yeni stansiyaların quraşdırılması ilə əlaqədar xeyli iş görülmüşdür. Rayon telekommunikasiya qovşağının rəisi Fazil Süleymanov AZƏRTAC-ın müxbirinə demişdir ki, ötən il Muradxanlı kənd ATS-i 100 nömrə genişləndirilmiş, Sorsor kəndində isə 100 nömrəlik yeni ATS tikilib işə salınmışdır. Qarabucaq və Muğanlı kənd ATS-ləri ilə rayon mərkəzi arasındakı V-2 sıxlaşdırma avadanlığı müasir tipli “Radar-2” qurğusu ilə əvəz olunmuşdur.

Bu il Karrar, Şilyan və Qarabucaq kəndlərində yeni ATS-lər istifadəyə veriləcəkdir. Artıq bu işlərə başlanmışdır.