KOBİA sədri: 490 xarici investor Qarabağda investisiya yatırmaq üçün müraciət edib
Bakı,17 iyul, AZƏRTAC
Bu günədək 37 ölkədən 490 xarici investor Azərbaycanın işğaldan azad edilmiş ərazilərinə investisiya yatırmaq üçün müraciət edib.
AZƏRTAC xəbər verir ki, bunu Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Bakıda keçirilən İslam Ticarət, Sənaye və Kənd Təsərrüfatı Palatasının Direktorlar Şurasının 35-ci iclasında deyib.
Orxan Məmmədov bildirib ki, bu günədək KOBİA-ya, ümumilikdə, 1493 şirkətdən Azərbaycanın işğaldan azad edilmiş ərazilərinə investisiya yatırmaq üçün müraciət daxil olub.
“Qarabağda biznes fəaliyyəti ilə məşğul olmaq üçün İslam Ticarət, Sənaye və Kənd Təsərrüfatı Palatasına üzv dövlətlərin müraciətlərini əlaqələndirməyə hazırıq. Biz Qarabağda fəaliyyətimizi 3 əsas istiqamət üzrə qurmuşuq. Birincisi, yerli və xarici investorları investisiya imkanları barədə məlumatlandırmaq, ikincisi, yeni bizneslərin yaradılması üçün müraciətlərin qəbulu, üçüncüsü isə biznes infrastrukturlarının yaradılmasına dəstək göstərməkdir", -deyə KOBİA sədri əlavə edib.
Bölmənin digər xəbərləri
