Kontr-admiral Bruasdal Qunştayn Azərbaycan-NATO əlaqələrinin cari vəziyyətini yüksək qiymətləndirib
Brüssel, 19 dekabr, AZƏRTAC
Belçika Krallığının Mons şəhərində yerləşən NATO-nun Avropa Ali Müttəfiq Qüvvələr Komandanlığında (SHAPE) Azərbaycan Respublikasının NATO yanında Nümayəndəliyinin başçısı Cəfər Hüseynzadə ilə Komandanlığın Qərargah rəisinin müavini - Tərəfdaşlıq İdarəsinin rəisi kontr-admiral Bruasdal Qunştayn arasında görüş keçirilib.
AZƏRTAC xəbər verir ki, görüşdə kontr-admiral Bruasdal Qunştayn dekabrın 3-5-də Bakıda keçirilmiş “NATO Günləri 2024”-də iştirakı ilə əlaqədar ölkəmizə səfərinin nəticələrindən danışıb, həmçinin bu səfər çərçivəsində keçirdiyi görüşlərlə bağlı xoş təəssüratlarını bölüşüb.
Qarşı tərəf Azərbaycan-NATO əlaqələrinin cari vəziyyəti, Azərbaycan Ordusunda aparılan islahatları, habelə Avropanın enerji təhlükəsizliyinin təmin edilməsində Azərbaycanın rolunu yüksək qiymətləndirib.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
