Koreyalı müəllim BMU tələbələrinin biliklərini yüksək qiymətləndirib
Bakı, 18 avqust, AZƏRTAC
Bakı Mühəndislik Universitetində (BMU) tələbələrlə işləməkdən olduqca məmnunam.
AZƏRTAC xəbər verir ki, bunu İNHA Universitetinin Süni intellekt departamentinin əməkdaşı Yo Sung Kimb deyib. O, BMU-da tədrisi Koreya Respublikası İNHA Universitetinin professor-müəllim heyəti tərəfindən aparılan yay məktəbində “Maşın öyrənməyə giriş” fənni üzrə dərs deyib.
Koreyalı müəllim fənn çərçivəsində tələbələrə maşın öyrənmənin gələcəkdə niyə vacib olduğunu aşıladığını, onlara dəyərli biliklər vermək üçün əlindən gələni etdiyini bildirib. Bütövlükdə tələbələrin səviyyəsini yüksək qiymətləndirən Yo Sung Kimb yay məktəbinin müsbət tərəflərini qeyd edib.
BMU ilə İNHA arasında gerçəkləşdirilən ikili diplom proqramı çərçivəsində keçirilən və akademik ilin davamı olan yay tədris prosesi 3 həftə davam edir. Builki yay məktəbinə İNHA Universitetinin 15 nəfərlik professor-müəllim heyəti qatılıb.
Bölmənin digər xəbərləri
