Korsikalı siyasətçi: Məqsədimiz Korsikanın Fransa müstəmləkəsi olmasını dünyaya çatdırmaqdır
Nyu-York, 21 iyun, AZƏRTAC
BMT-nin Nyu-Yorkdakı mənzil qərargahında Bakı Təşəbbüs Qrupu tərəfindən təşkil olunmuş tədbirdə Korsikadakı vəziyyəti göstərmək üçün iştirak etmişik.
Bu sözləri AZƏRTAC-a açıqlamasında Korsika Assambleyasının sabiq prezidenti Jan-Qi Talamoni deyib.
O bildirib ki, Korsika həqiqətən müstəmləkədir, müstəmləkəçiliyin bütün şərtləri bu ərazilərdə öz əksini tapıb. “Əsas məqsədimiz bunu dünyaya çatdırmaqdır. Korsikanın Fransa müstəmləkəsi olması artıq sübuta yetirilib. Hazırda əsas məsələ bizim bu müstəmləkəçilikdən azad olmaq üçün nə edəcəyimizdir. Biz beynəlxalq hüquqa uyğun olaraq dekolonizasiya yolunu tapmaq istəyirik. Buna görə Korsikanın BMT-nin özünü idarə etməyən ərazilər siyahısına salınmasını tələb etmişik. Korsikanın bu siyahıya salınması üçün beynəlxalq ictimaiyyətin dəstəyinə ehtiyacımız var. Bu cür platformanı bizə yaratdığı üçün Bakı Təşəbbüs Qrupuna təşəkkür edirik”, - deyə korsikalı siyasətçi vurğulayıb.
O, həmçinin təcavüzə məruz qalmış kanak xalqına dəstəyini ifadə edib.
AZƏRTAC-ın xüsusi müxbiri
Nyu-York
Bölmənin digər xəbərləri
