Krımın Azərbaycan icmasının başçısı Avropa Şurasının komissarı ilə görüşəcəkdir
Bakı, 18 noyabr (AZƏRTAC). Krımın Azərbaycan icmasının sədri Rəhim Hümbətov AZƏRTAC-a məlumat vermişdir ki, noyabrın 24-də o, Avropa Şurasının insan hüquqları üzrə komissarı Tomas Hammarberqlə görüşəcəkdir. Bu barədə Avropa Şurası ofisinin başçısı səfir Vladimir Ristovski tərəfindən Krımın Azərbaycan icmasının rəhbərinə göndərilmiş məktubda deyilir.
Tomas Hammarberq, Komissar bürosu direktorunun müavini Boyana Urumova, habelə komissarın müşaviri Oksana Petsun cari il noyabrın 21-25-də Ukraynada olacaqlar.
Görüşün məqsədi Krımda insan hüquqlarının, o cümlədən etnik icmaların hüquqlarının qorunması məsələsini müzakirə etməkdir.
Bölmənin digər xəbərləri
