KXDR-in raket sınağı Antoni Blinkenin Seula səfəri ilə üst-üstə düşüb
Bakı, 18 mart, AZƏRTAC
ABŞ-ın dövlət katibi Antoni Blinkenin Seula səfəri zamanı Şimali Koreya ən azı bir ballistik raketın sınağını həyata keçirib.
AZƏRTAC xəbər verir ki, Cənubi Koreya ordusunun məlumatına görə, raket bazar ertəsi Koreya yarımadasının şərqindən dənizə doğru buraxılıb. Yaponiya Sahil Mühafizə Xidməti isə Şimali Koreyanın iki ballistik raketinin sınağı barədə məlumat yayıb.
KXDR bundan öncə, yanvarın 14-də keçirdiyi son sınaqlarda yeni güc mühərriklərini və manevr edə bilən döyüş başlığının imkanlarını yoxlamışdı.
Pxenyanın güc nümayişi ABŞ dövlət katibi Entoni Blinkenin bu gün Demokratiya Sammitdə iştirak etmək üçün Seula səfəri ilə üst-üstə düşüb.
Qeyd edək ki, Pxenyan ilk nüvə sınağını 2006-cı ildə həyata keçirib. BMT Təhlükəsizlik Şurası Şimali Koreyanı nüvə və raket proqramlarını dayandırmağa çağıran çoxsaylı qətnamələr qəbul edib.
Bölmənin digər xəbərləri
