Laçınlı məcburi köçkünlər 689 hektar sahədə payızlıq səpin aparıblar
Ağcabədi, 11 noyabr, AZƏRTAC
Ağcabədi rayonunun Taxtakörpü ərazisində məskunlaşan laçınlı məcburi köçkünlər payız səpinini davam etdirirlər.
Laçın Rayon Statistika İdarəsindən AZƏRTAC-ın bölgə müxbirinə bildiriblər ki, bu günədək Taxtakörpü ərazisində 950 hektarda payız şumu qaldırılıb. 689 hektar sahədə payızlıq səpin həyata keçirilib ki, onun da 672 hektarı arpa, 17 hektarı buğdadır.
Qeyd edək ki, Taxtakörpü ərazisində məskunlaşan laçınlı məcburi köçkünlər əsasən heyvandarlıq və taxılçılıqla məşğul olurlar.
Bölmənin digər xəbərləri
