Latviyada da koronavirusa yoluxanların sayı artıb
Riqa, 25 mart, AZƏRTAC
Latviyada son sutka ərzində koronavirusa (COVID-19) yoluxanların sayı 24 nəfər artaraq 221-ə çatıb.
AZƏRTAC xəbər verir ki, bu barədə Latviyanın Səhiyyə Nazirliyi məlumat bildirib.
Məlumata əsasən, epidemiyanın yayıldığı tarixdən bəri ölkədə 7 min 957 nəfər müayinədən keçib.
Qeyd edilir ki, son sutka ərzində COVID-19 virusuna görə 1151 nəfərin analizinin 24-nün nəticəsi müsbət çıxıb. Virusa yeni yoluxma hallarının artacağı istisna edilmir.
Qeyd edək ki, ölkədə bu günədək COVID-19-dan heç bir ölüm faktı qeydə alınmayıb.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
