LƏNKƏRANDA BƏLƏDİYYƏLƏRƏ TƏKRAR, ƏLAVƏ, YENİ VƏ İLK SEÇKİLƏRLƏ BAĞLI ZONA SEMİNAR-MÜŞAVİRƏSİ KEÇİRİLMİŞDİR
72 saylı Yardımlı-Masallı, 73 saylı Lənkəran şəhər, 74 saylı Lənkəran kənd, 75 saylı Lənkəran-Masallı, 76 saylı Lənkəran-Astara, 77 saylı Astara və 78 saylı Lerik-Lənkəran seçki dairələri dairə və məntəqə seçki komissiyaları üzvlərinin iştirak etdikləri tədbirdə Mərkəzi Seçki Komissiyasının üzvləri Ramiz İbrahimov və Tofiq Həsənov çıxış edərək, seçkilərin azad, demokratik və şəffaf keçirilməsini təmin etmək məqsədi ilə Prezident İlham Əliyevin imzaladığı sərəncamlarla bağlı qarşıda duran vəzifələrdən danışmış, dairə və məntəqələrdə seçkilərə hazırlıq işlərinin vəziyyətini ətraflı təhlil etmiş, komissiya üzvlərinə tövsiyə və tapşırıqlarını çatdırmışlar.
Seminar-müşavirədə dairə və məntəqə seçki komissiyalarının sədrləri çıxış edərək, oktyabrın 6-da bələdiyyələrə keçiriləcək seçkilərlə əlaqədar görülmüş işlər barədə məlumat vermiş, mövcud problemlərlə bağlı təkliflərini bildirmişlər.
MSK-nın üzvləri seminar iştirakçılarının suallarını cavablandırmışlar.
