LƏNKƏRANDA PİVƏ ZAVODU İSTİFADƏYƏ VERİLMİŞDİR
AZƏRTAC-ın bölgə müxbiri xəbər verir ki, zavodun açılışı mərasimində bildirilmişdir ki, ümummilli liderimiz Heydər Əliyevin anadan olmasının 81-ci ildönümünün ölkəmizdə böyük təntənə ilə qeyd edildiyi günlərdə istifadəyə verilən müəssisədə 125 nəfər işlə təmin olunmuşdur.
“Ş.-Mari” şirkəti tərəfindən inşa edilən zavodda gün ərzində 50 ton məhsul buraxılacaqdır. Rusiyadan gətirilmiş müasir avadanlıq vasitəsilə yeni müəssisədə dörd çeşiddə “Lənkəran pivəsi” istehsal olunacaqdır.
Qırmızi lent kəsildikdən sonra mərasim iştirakcıları zavodda istehsal prosesi ilə tanış olmuşlar.
Bölmənin digər xəbərləri
