Lənkəran, 1 sentyabr, İlkin Adıyev, AZƏRTAC

Azərbaycan Respublikasının Milli Məclisinə növbədənkənar seçkilərdə səsvermədə ilk dəfə iştirak edəcək seçicilərin sayı 51 min 141 nəfərdir. Onlardan biri də Lənkəran şəhər sakini Amaliya Manıyevadır.

AZƏRTAC-ın bölgə müxbiri xəbər verir ki, o, 77 saylı Lənkəran seçki dairəsinin 24 saylı məntəqəsində öz konstitusion hüququndan istifadə edərək, istədiyi namizədə səs verib.

“İlk dəfə səs vermək ayrı bir hissdir. Bununla yanaşı, budəfəki parlament seçkiləri ölkəmizin bütün ərazisində keçirilir. İnanıram ki, bu seçkilər ölkəmizin daha da inkişafına, parlaq gələcəyə doğru yol açacaq” , - deyə ilk dəfə səs verən Amaliya Manıyeva bildirib.