Leriklilər 20 Yanvar şəhidlərinin xatirəsini böyük ehtiramla yad etmişlər
Lerik, 21 yanvar (AZƏRTAC). Azərbaycan xalqının tarixinə qanlı Yanvar faciəsi kimi daxil olmuş 1990-cı il 20 Yanvar hadisələrinin iyirmi birinci ildönümü ilə əlaqədar Lerik rayonunda bir sıra tədbirlər həyata keçirilmişdir.
AZƏRTAC xəbər verir ki, faciə ilə bağlı rayonun bütün idarə, müəssisə və təşkilatlarında, ərazi icra nümayəndəliklərində anma mərasimləri, konfranslar, “dəyirmi masa”lar, ədəbi-bədii gecələr, müxtəlif müsabiqələr və idman yarışları, yanvarın 19-da rayonun tədris müəssisələrində Qanlı Yanvar faciəsinə həsr olunmuş xüsusi dərslər keçirilmiş, rayon tarix-diyarşünaslıq muzeyində 20 Yanvar faciəsinin dəhşətlərini əks etdirən foto-stend hazırlanmış və bu qanlı qəzet, jurnal və kitabların sərgisi təşkil edilmişdir.
Yanvarın 20-də Lerik Rayon İcra Hakimiyyətinin başçısı Rövşən Bağırov, rayon ictimaiyyətinin, ağsaqqalların, ziyalıların nümayəndələri, şəhər əhalisi “Şəhidlər” abidə-kompleksinin önünə əklillər və gül dəstələri düzmüş, Azərbaycanın suverenliyi və ərazi bütövlüyü uğrunda şəhid olanların xatirəsini ehtiramla yad etmişlər.
Mərasimdə 20 Yanvar faciəsi ilə bağlı ədəbi-bədii kompozisiya nümayiş etdirilmişdir.
Bölmənin digər xəbərləri
