Litvada Azərbaycan Mədəniyyəti gecəsi keçirilmişdir
Bakı, 1 dekabr (AZƏRTAC). Litvada təhsil alan azərbaycanlı tələbələr tərəfindən Kaunas şəhərində Azərbaycan Mədəniyyəti gecəsi təşkil olunmuşdur.
“Odlar Yurdu” diaspor təşkilatının dəstəyi ilə keçirilmiş tədbirdə Azərbaycan mədəniyyəti, onun dünya mədəniyyətinə verdiyi töhfələr haqqında ətraflı məlumat verilmişdir.
Təşkilatdan AZƏRTAC-a bildirmişlər ki, tədbirdə iştirak edən xarici tələbələr Azərbaycanın mədəniyyəti, mətbəxi ilə bağlı filmləri maraqla izləmişlər. Qonaqlara azərbaycanlı tələbələrin ifasında milli rəqslərimiz, həmçinin mətbəximizin ləziz nümunələri təqdim olunmuşdur.
Bölmənin digər xəbərləri
