London məsləhətləşmələr üçün Tehrandakı səfirini geri çağırıb
Bakı, 14 dekabr, AZƏRTAC
Böyük Britaniyanın Xarici İşlər Nazirliyi ikili vətəndaşlığı olan Əlirza Əkbərinin İran hakimiyyəti tərəfindən edam edilməsi ilə əlaqədar Tehrandakı səfirini məsləhətləşmələr üçün geri çağırıb.
AZƏRTAC xarici KİV-lərə istinadla xəbər verir ki, bu barədə Britaniya diplomatiyasının rəhbəri Ceyms Kleverli bildirib.
Onun sözlərinə görə, London Tehrana qarşı digər addımları da nəzərdən keçirir.
"Böyük Britaniya bu gün İranın baş prokuroruna qarşı sanksiyalar tətbiq edib. Britaniya səfirini məsləhətləşmələr üçün müvəqqəti geri çağırıb. Biz növbəti addımları nəzərdən keçiririk”, - deyə C.Kleverli qeyd edib.
Bölmənin digər xəbərləri
