“LUKoil” ilə “KazMunayGaz” Qazaxıstanda yeraltı yataqları birgə tədqiq edəcəklər
Almatı, 20 sentyabr, AZƏRTAC
Qazaxıstanın milli "KazMunayGaz" şirkəti və Rusiyanın "LUKoil" neft şirkəti Almatıda ölkədə faydalı qazıntıların birgə kəşfiyyatı haqqında saziş imzalayıblar.
AZƏRTAC xəbər verir ki, sənədi “LUKoil" şirkətinin prezidenti Vahid Ələkbərov və "KazMunayQaz" ASC-nin idarə heyətinin sədri Alik Aydarbayev imzalayıblar.
Hər iki şirkət əməkdaşlıq üçün əsas şərtləri razılaşdırıb və Qazaxıstanın bəzi ərazilərin karbohidrogen potensialını qiymətləndirmək məqsədilə yeraltı sahənin tədqiqinə başlamağa hazır olduqlarını bildiriblər.
Saziş 2 neft şirkəti arasında uzunmüddətli və səmərəli əməkdaşlığın davamıdır.
İlahə Əhmədova
AZƏRTAC-ın xüsusi müxbiri
Almatı
Bölmənin digər xəbərləri
