Lyuis Hemiltonun qardaşı mövsümü Britaniya turinqində keçirəcək
Bakı, 6 aprel, AZƏRTAC
Lyuis Hemilton özünün bütün yürüş karyerasını Formula yarışlarında keçirir və artıq Formula 1 üzrə yeddi titulun sahibidir. O, bir neçə tarixi rekordları təzələyib, Britaniya çempionunun qardaşı isə öz gücünü avtomobil yürüşlərində sınayır. 2023-cü ildə Nikolas Hemilton artıq beşinci il dalbadal turinq üzrə Böyük Britaniya çempionatında iştirak edir. Bu turnir dünyada ən rəqabətli və maraqlı seriyalardan biridir.
AZƏRTAC xəbər verir ki, L.Hemiltonun qardaşı uşaq serebral iflic olduğuna görə Nikolasın nəticələrini çox yüksək adlandırmaq olmaz. Ötən dörd il ərzində britaniyalı yalnız bir dəfə xal zonasında finişə çata bilib və zaçot balları toplayıb. Pilot 2023-cü ildə “Cupra Leon” hetçbekində “Team HARD” komandası uğrunda çıxış edəcək.
“Team HARD” komandasının rəhbəri Toni Hilhem vurğulayıb ki, kollektiv əyləc sistemləri üzərində işi davam etdirəcək. Bu sistem məxsusi olaraq Nikolas Hemilton üçün nəzərdə tutulub və ona avtomobili komfortlu hissetməyə və trasda sürətlə irəliləməyə kömək edəcək. Bu, britaniyalı üçün “Cupra Leon” maşınında üçüncü ardıcıl mövsüm olacaq.
Bölmənin digər xəbərləri
