Mark Rütte: Ağ Evdə Ukraynanın ərazi məsələsi müzakirə edilməyib
Vaşinqton, 19 avqust , AZƏRTAC
Ağ Evə toplaşan liderlər Ukrayna sərhədlərinin yenidən cızılması məsələsini müzakirə etməyiblər. AZƏRTAC-ın məlumatına görə, bu sözləri NATO-nun Baş katibi Mark Rütte “Fox News”a müsahibəsində deyib. O bildirib ki, bu, Ukrayna Prezidenti Volodimir Zelenskinin Rusiyanın da iştirak edəcəyi üçtərəfli görüşdə qaldıracağı məsələdir.
“Biz bu gün bunu müzakirə etməmişik. Ərazi məsələsinə gəldikdə, Ukrayna Prezidenti bunu üçtərəfli formatda və yəqin ki, bundan sonra Vladimir Putinlə keçiriləcək daha çox danışıqlarda müzakirə etməlidir. Bu gün liderlər arasında anlaşma ondan ibarət oldu ki, hər hansı bir ərazinin müzakirə edilməsi üçün təhlükəsizlik zəmanəti olmalıdır və hər bir ölkə bu təminatların nə demək olduğu barədə razılığa gəlməlidir”,- deyə Mark Rütte əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
