Martın 19-dək ölkəmizdə futzal yarışları azarkeşsiz keçiriləcək
Bakı, 11 mart, AZƏRTAC
Futzal üzrə Yüksək, Birinci və İkinci liqaların, eləcə də Azərbaycan kubokunun 1/8 final mərhələsinin ilk və cavab oyunları azarkeşsiz keçiriləcək.
AZƏRTAC Azərbaycan Futzal Federasiyasına (AFF) istinadla xəbər verir ki, bu qərar martın 19-dək ölkəmizdə keçiriləcək bütün futzal matçlarına şamil ediləcək.
AFF bu qərarı Azərbaycan Respublikasının Nazirlər Kabinetinin yanında operativ qərargahının tövsiyəsini (Virusun geniş yayılmasının qarşısının alınması məqsədilə Azərbaycan hökuməti tərəfindən aparılan tədbirlərə dəstək olaraq vətəndaşları bir daha adamların sıx toplaşdığı yerlərdən, qapalı məkanlardan uzaq durmağa, xarici ölkələrə, eyni zamanda risk qrupu ölkələrinə səfərlərini təxirə salmağa, vacib səfərlər zamanı isə qoruyucu tədbirlərə maksimum riayət etməyə (qoruyucu tibbi maska, xüsusi qoruyucu eynək, dezinfeksiyaedici vasitələrdən istifadə və s.) çağırır) nəzərə alaraq, eyni zamanda koronavirusun yayılmasının qarşısının alınması sahəsində dövlətin həyata keçirdiyi tədbirlərə dəstək olmaq məqsədi ilə verib.
Bölmənin digər xəbərləri
