Masallı sakinlərindən külli miqdarda heroin götürülüb
Masallı, 13 yanvar, İlkin Adıyev, AZƏRTAC
Masallı Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsində şübhəli bilinən rayonun Musaküçə kənd sakini, əvvəllər məhkum olunmuş Ş.Əkbərli saxlanılıb.
Bu barədə AZƏRTAC-ın bölgə müxbirinə Daxili İşlər Nazirliyinin Mətbuat Xidmətinin Lənkəran regional qrupundan məlumat verilib.
Şəxsi axtarış zamanı Ş.Əkbərlidən heroin götürülüb. Əməliyyat-axtarış tədbirlərinin davamı olaraq Ş.Əkbərlinin həmin narkotik vasitəni Masallı şəhər sakini, əvvəllər bir neçə dəfə məhkum olunmuş F.Kərimovdan əldə etdiyi müəyyən edilib. Sonuncunun yaşadığı evə keçirilən baxış zamanı oradan külli miqdar çəkidə heroin aşkarlanaraq götürülüb. Məhkəmənin qərarı ilə hər iki şəxs barəsində həbs qətimkan tədbiri seçilib.
Faktla bağlı Masallı RPŞ-də zəruri istintaq və əməliyyat-axtarış tədbirləri davam etdirilir.
Bölmənin digər xəbərləri
