MDU-nun tələbəsi Alpaqut üzrə Assosiasiya Kubokunda qələbə qazanıb
Bakı, 2 aprel, AZƏRTAC
Bakıda yerləşən Şağan Olimpiya Kompleksində keçirilən Alpaqut üzrə Assosiasiya Kubokunda Mingəçevir Dövlət Universitetinin (MDU) tələbəsi 18-35 yaş aralığında 65 kq çəki dərəcəsində çıxış edən Bəxtiyar Mehdiyev böyük uğura imza atıb.
MDU-dan AZƏRTAC-a bildirilib ki, yarışda Bəxtiyar Mehdiyev öz rəqiblərini məğlub edərək fəxri kürsünün ən yüksək pilləsinə qalxmağa nail olub. O, iki güclü rəqibə qalib gələrək birinci yerin sahibi olub və nümayiş etdirdiyi mübarizlik və yüksək peşəkarlıqla diqqət çəkib. Bəxtiyar Mehdiyevin bu uğuru yalnız şəxsi nailiyyət deyil, həm də Mingəçevir Dövlət Universitetinin idman sahəsindəki böyük uğurlarından biridir.
Bölmənin digər xəbərləri
