Mədəaltı vəzi xərçəngi üçün hazırlanmış yeni peyvənd xəstələrin ömür müddətini uzada bilər
London, 12 avqust, AZƏRTAC
Alimlər mədəaltı vəzi xərçənginin inkişafını yavaşlatdığı görünən yeni peyvəndin kütləvi istehsalının mümkün olduğunu bildiriblər.
AZƏRTAC “Independent”ə istinadla xəbər verir ki, klinik sınaqlar nəticəsində peyvəndin xəstələrin sağ qalma müddətini artıraraq onlara ümid verdiyi məlum olub. Tədqiqatçılar bu nəticələri müəyyən dərəcədə sensasion adlandıraraq peyvəndin təsirini daha böyük qrupda mədəaltı vəzi və yoğun bağırsaq xərçəngi xəstələri arasında sınaqdan keçirməyə başlayıblar.
Yeni peyvənd immunoterapiyanın innovativ formasına əsaslanır və onun təsir mexanizmi vaksin maddələrinin limfa düyünlərinə çatdırılmasını yaxşılaşdırmaqla orqanizmin infeksiyalar və xəstəliklərlə mübarizə qabiliyyətini gücləndirməyə yönəlib.
Mədəaltı vəzi və yoğun bağırsaq xərçənglərində tez-tez KRAS adlı genin mutasiyası müşahidə olunur. Şişlərin böyüməsində mühüm rol oynayan bu geni tanıyıb ona hücum etmək üçün peyvənd xüsusi olaraq hazırlanıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
